ການສໍາຫຼວດຄວາມຫຼາກຫຼາຍທາງດ້ານແນວພັນໝາກເຜັດ, ໝາກເລັ່ນ ຜັກບົ່ວພື້ນເມືອງລາວ ໃນແຂວງຊຽງຂວາງ

          ປະເທດລາວເປັນປະເທດໜຶ່ງທີ່ມີຄວາມຫຼາກຫຼາຍທາງດ້ານແນວພັນພືດຜັກ, ເຊິງຈະສັງເກດເຫັນໄດ້ຈາກຕະຫຼາດໃນຊຸມຊົນ, ທ້ອງຖິ່ນ ແລະ ຄວາມຫຼາຍຫຼາຍຂອງພືດຜັກທີ່ປູກຕາມສວນຄົວໃນເຂດຊົນນະບົດຂອງລາວ, ປະເທດລາວເຮົາເປັນປະເທດທີມີຄວາມຫຼາກຫຼາຍທາງດ້ານພັນທຸກໍາຂອງພືດຜັກ, ແຕ່ການຈໍາແນກ ແລະ ການນໍາໃຊ້ຍັງມີໜ້ອຍຫຼາຍ, ໃນປະຈຸບັນຊາວກະສິກອນສວນໃຫ່ຍໄດ້ຫັນມາຜະລິດກະສິກໍາຫຼາຍຂື້ນ ແລະ ຫັນໄປນໍາໃຊ້ແນວພັນ  ໃໝ່ຈາກຕະຫຼາດ, ແນວພັນການຄ້າທີ່ນໍເຂົ້າຈາກຕ່າງປະເທດ ແລະ ໄດ້ປະຖີ້ມແນວພັນພຶ້ນເມືອງ, ເຊິງເຮັດໃຫ້ສູນເສຍພັນທຸກໍາໄປໃນໂຕ,  ເພື່ອປ້ອງກັນການສູນເສຍດັງກ່າວພວກເຮົາຕ້ອງໄດ້ເຕົ້າໂຮມ ແລະ ອະນຸລັກໄວ້ໃນທະນາຄານເມັດພັນພືດ.

ໃນລະຫວ່າງວັນທີ່ 29 ມັງກອນ ຫາ 4 ກຸມພາ 2023 ທີ່ຜ່ານມາທີງານນັກຄົ້ນຄວ້າພືດຜັກຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກທີຈື້ນກັບສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ລົງສໍາຫຼວດ ແລະ ເກັບຕົວຢ່າງ ແນວພັນພື້ນເມືອງຂອງພືດຜັກໃນແຂວງຊຽງຂວາງ ໂດຍປະຕິບັດຕາມການຊີ້ນໍາຂອງຂັ້ນເທິງ ແລະ ໄດ້ຮັບການສະໜັບສະໜູນຈາກ ໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ(AFACI_Breeding) ເພື່ອທ້ອນໂຮມ ແລະ ອະນຸລັກໄວ້ໃນທະນາຄານເຊື້ອພັນຂອງລາວໃຫ້ມີຄວາມຍືນຍົງ,  ການລົງສໍາຫຼວດ ແລະ ເກັບຕົວຢ່າງໃນຄັ້ງນີ້ແມ່ນແນໃສ 3 ຊະນິດພືດຜັກເຊັ້ນ: ໝາກເຜັດ, ໝາກເລັ່ນ  ແລະ ຜັກບົ່ວ ການລົງເກັບຕົວຢ່າງໃນຄັ້ງນີ້ແມ່ນໄດ້ກົດກໍານົດເອົາແຂວງຊຽງຂວາງ ເປັນເປົ້າໝາຍໃນການລົງຈັດຕັ້ງປະຕິບັດ ເນຶ່ອງຈາກວາແຂວງດັ່ງກ່າວເປັນເຂດທີ່ມີພື້ນຖານການປູກ    ໝາກເຜັດ, ໝາກເລັ່ນ ແລະ ຜັກບົ່ວ ເພື່ອບໍລິໂພກໃນຊຸມຊົນ ແລະ ສົ່ງອອກໄປຍັງບັນດາແຂວງອ້ອມຂ້າງ ລວມທັງນະຄອນຫຼວງວຽງຈັນໂດຍສະເພາະແມ່ນໃນລະດູຝົນ, ຈາກການລາຍງານຂໍ້ມູນທາງດ້ານສະຖິຕິການປູກພືດຜັກໃນປີ 2021 ທີ່ຜ່ານມາເຫັນວ່າໃນແຂວງຊຽງຂວາງມີພື້ນທີ່ການປູກກິນໝາກ ແລະ ຜັກປະເພດຫົວຫຼາຍກວ່າ 267.2 ເຮັກຕາ ແລະ ຫຼາຍກວ່າໝູ່ໃນບັນດາແຂວງພາກ     ເໜືອດັ່ງນັ້ນ, ຈິ່ງເຫັນວ່າເຂດດັ່ງກາວອາດມີຄວາມຫຼາກຫຼາຍທາງດ້ານແນວພັນ ຈຶ່ງໄດ້ກໍານົດເອົາເຂດເມືອງດັງກ່າວເປັນເປົ້າໜາມໃນການລົງເກັບຕົວຢ່າງ, ການລົງເກັບຕົວຢ່າງໃນຄັ້ງນີ້ໄດ້ຮັບການສະໜັບສະໜູນ ແລະ ຮ່ວມມືຈາກພະນັກງານຂັ້ນແຂວງ, ເມືອງ ແລະ ຊາວກະສິກອນ ເຊິງສາມາດເກັບແນວພັນໝາກເຜັດພື້ນເມືອງໄດ້ທັງໝົດ 109 ຕົວຢ່າງ, ເກັບໝາກເລັ່ນພື້ນເມືອງໄດ້ 71 ແລະ ຜັກບົ່ວພື້ນເມືອງພື້ນເມືອງລາວໄດ້ 21 ຕົວຢ່າງ, ເຊິງແນວພັນດັ່ງກ່າວເປັນແນວພັນພື້ນເມືອງທັງໝົດ, ມີລັກລັກສະນະເດັນສະເພາະ, ມິລົດຊາດທີ່ເປັນເອກະລັກ ແລະ ມີຄວາມທົນທານຕໍ່ສະພາບແວດລ່ອມໃນທ້ອງຖີ່ນ, ໃນຈໍານວນແນວພັນພື້ນເມືອງທັງໝົດແມ່ນໄດ້ນໍາມາເກັບໄວ້ໃນທະນາຄານເຊື້ອພັນຂອງສຸນຄົ້ນຄວ້າພືດຜັກ ແລະ ໄມ້ໃຫ້ໝາກ ເພື່ອເກັບຮັກສາໄວ້ ແລະ ສືກສາລັກສະນະປະຈໍາພັນຂອງແຕ່ລະຕົວຢ່າງເພື່ອນໍາໃຊ້ເຂົ້າໃນການປັບປຸງພັນ ແລະ ພັດທະນາແນວພັນໃນອະນາຄົດໃຫ້ມີຄວາມຍືນຍົງ ແລະ ປ້ອງກັນການສູນເສຍແນວພັນ, ພັນທຸກໍາໃນອະນາຄົດ.

ຂຽນ ແລະ ຮຽບຮຽງໂດຍ:   ຕີ ວິໄລພັນ

ເບີໂທລະສັບ: 020 58837887, ອີເມວ: teevlp@yahoo.com, teevlphhrc@gmail.com

ຂະແໜງງານຄົ້ນຄວ້າພືດຜັກ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ