ການສະໜັບສະໜູນອະປະກອນໃນການກໍ່ສ້າງເຮືອນຮົ່ມໃຫ້ກັບບ້ານຕົວແບບໃນການຜະລິດພືດຜັກເປັນສິນຄ້າ ໃນແຂວງວຽງຈັນ ແລະ ແຂວງຫຼວງພະບາງ

ຂຽນໂດຍ:   ຕີ ວິໄລພັນ

ເບີໂທລະສັບ: 020 58837887, ອີເມວ: teevlp@yahoo.com, teevlphhrc@gmail.com

ຂະແໜງງານຄົ້ນຄວ້າພືດຜັກ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ເຊິງຂື້ນສະຖາບັນຄົ້ນຄວ້າກະສິກຳ, ປ່າ​ໄມ້ ​ແລະ ພັດທະນາ​ຊົນນະບົດ          ມີບົດບາດ​ເປັນໜ່ວຍວິຊາ​ການ ​ເຮັດໜ້າທີ່​ຄົ້ນຄວ້າທາງດ້ານ​ແນວ​ພັນ, ​ເຕັກນິກ​ການປູ ແລະ ຂະຫຍາຍພັນ​ພືດ​ຜັກ ແລະ ໄມ້ໃຫ້ໝາກ, ຄົ້ນຄວ້າເຕັກນິກຫຼັງການເກັບກ່ຽວ, IPM, ເພື່ອເປັນການຜັນຂະຫຍາຍແຜນດໍາເນີນງານ ໃນການຈັດຕັ້ງຜັນຂະຫຍາຍວາລະແຫ່ງຊາດ ທີ່ຕິພັນກັບວຽກກະສິກໍາ ເປັນຕົ້ນແມ່ນ (1) ຊຸກຍູ້ສົ່ງເສີມການຜະລິດກະສິກໍາ ເພື່ອທົດແທນການນໍາເຂົ້າ ທັງຫຼຸດຜ່ອນການໄຫຼອອກເງິນຕາໄປຕ່າງປະເທດ  (2) ສຸມໃສ່ການຊຸກຍູ້ການຜະລິດກະສິກໍາຕິດພັນກັບການປຸງແຕ່ງເປັນສິນຄ້າ ເພື່ອສົ່ງອອກໄປຕ່າງປະເທດ ນໍາເອົາເງິນຕາເຂົ້າມາໃຫ້ຫຼາຍຂຶ້ນ.  ເຊີ່ງທາງສູນໄດ້ມີໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ(AFACI_Breeding) ປະເທດເກົາຫຼີ ໃນການພັດທະນາເຕັກນິກ ແລະ ແນວພັນໃໝ່ຂອງ ໝາກເຜັດ ແລະ ແລະ ໝາກເລັ່ນ ທີ່ເໝາະສົມກັບສະພາບແວດລ້ອມໃນແຕ່ລະທ້ອງຖີ່ນລາວ ເພື່ອສະໜັບສະໜູນເຂົ້າໃນການຜະລິດເປັນສິນຄ້າ, ໃນເດືອນມີນາ 2024,  ທາງທີມງານຮັບຜິດຊອບໂຄງການຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ສະໜັບສະໜູນອຸປະກອນ ແລະ ວັດສະດຸໃນການກໍ່ສ້າງເຮືອນຮົ່ມແບບຕ່າງລະດັບ, ເຊີງເປັນລະບົບເຮືອນຮົ່ມທີ່ເໝາະສົມສໍາລັບການປູກຜັັກໃນລະດູຝົນໃຫ້ກັບຊາວກະສິກອນຕົວແບບໃນ 2 ແຂວງຕາມເປົ້າໝາຍຂອງໂຄງການເຊັ້ນ: ບ້ານຊຽງມວກ ແລະ ບ້ານນາໄຊ, ນະຄອນຫຼວງພະບາງ, ແຂວງຫຼວງພະບາງ ຈໍານວນ 5 ຫຼັງ ຂະໜາດ 7 x 21ແມັດ ແລະ ບ້ານປົງ, ເມືອງຊານະຄາມ, ແຂວງວຽງຈັນ ຂະໜາດ7 x 15ແມັດ, ຈໍານວນ 5 ຫຼັງ, ລວມທັງໝົດ 10 ຫຼັງ ເພື່ອກະກຽມເຂົ້າໃນການຜະລິດໃນລະດູຝົນ ແລະ ທັງເປັນການຄໍາປະກັນທາງດ້ານສະບຽງອາຫານ ແລະ ຜະລິດເປັນສິນ ເພື່ອຕອບໂຈດກັບວາລະແຫ່ງຊາດຂອງຂະແໜງການກະສິກໍາ, ມາຮອດປະຈຸບັນທາງສູນຄົ້ນຄວ້າພືດຜັກ ແລະ ໄມ້ໃຫໝາກໄດ້ສະໜູນທາງດ້ານເຕັກນິກ ແລະ ແນວພັນໃຫ້ກັບຊາວກະສິກອນຄອບຄົວຕົວແບບຢາງຕໍ່ເນື່ອງໂດຍໄດ້ຮັບການຮ່ວມມືຈາກ ໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ(AFACI_Breeding) ປະເທດເກົາຫຼີ ໃນການພັດທະນາເຕັກນິກ ແລະ ແນວພັນໃໝ່ຂອງ ໝາກເຜັດ ແລະ ແລະ   ໝາກເລັ່ນ ທີ່ເໝາະສົມກັບສະພາບແວດລ້ອມໃນແຕ່ລະທ້ອງຖີ່ນລາວ, ເຊິງສາມາດສ້າງຄອບຄົວຕົວແບບໃນນະຄອນຫຼວງພະບາງ, ແຂວງຫຼວງພະບາງ ແລະ ເມືອງຊະນະຄາມ, ແຂວງວຽງຈັນ ໄດ້ຫຼາຍກວ່າ 48 ຄອບຄົວ ແລະ ສະໜັບສະໜູນເຮືອນຮົ່ມ ເພື່ອນໍາໃຊ້ເຂົ້າໃນການຜະລິດໃນຊວ່ງລະດູຝົນໄດ້ຫຼາຍກວ່າ 30​ ຫຼັງ, ກີດຈະກໍາດັງກ່າວແມ່ນໄດ້ການຕອບຮັບ ແລະ ຄວາມຮວມມືຈາກຊາວກະສິກອນເປັນຢ່າງດີ ແລະ ມີຄວາມຍືນຍົງ.