ກອງປະຊຸມໂຄງການຄົ້ນຄວ້າແນວພັນເຂົ້າ ເພື່ອຜະລິດສຳລັບ ຄໍ້າປະກັນສະບຽງອາຫານ ແລະ ເປັນສິນຄ້າ ແລະວາງແຜນປັບປຸງຕາງໜ່າງການຄົ້ນຄວ້າ ຂອງສະຖາບັນຄົ້ນຄວ້າກະສິກຳປ່າໄມ້ ແລະ ພັດທະນາຊົນນະບົດ

ໃນວັນທີ 7 ມີນາ 2024 ຢູ່ທີ ສູນຄົ້ນຄວ້າກະສິກຳ ຫຼວງນໍ້າທາ ທີຂື້ນກັບ ສະຖາບັນຄົ້ນຄວ້າ ກະສິກຳ, ປ່າໄມ້ ແລະ ພັດທະນາຊົນນະບົດໄດ້ຈັດກອງປະຊຸມ ຂອງໂຄງການຄົ້ນຄວ້າແນວພັນເຂົ້າ ເພື່ອຜະລິດສຳລັບ ຄໍ້າປະກັນສະບຽງອາຫານ ແລະ ເປັນສິນຄ້າ ແລະວາງແຜນປັບປຸງຕາງໜ່າງການຄົ້ນຄວ້າ ຂອງສະຖາບັນຄົ້ນຄວ້າກະສິກຳປ່າໄມ້ ແລະ ພັດທະນາຊົນນະບົດ, ຈຸດປະສົງຂອງກອງປະຊຸມ ກໍ່ເພື່ອເປັນການຍົກລະດັບ ແລະ ປັບປຸງວຽກງານການຄົ້ນຄວ້າແນວພັນເພືອຕອບສະໜອງໃຫ້ແກ່ ການຄໍ້າປະກັນສະບ່ຽງອາຫານ ແລະກ້າວໄປສູ່ການຜະລິດເປັນສິນຄ້າ, ໃນນີ້້ ສະຖາບັນຄົ້ນຄວ້າກະສິກຳ,ປ່າໄມ້ ແລະພັດທະນາຊົນນະບົດ ໂດຍການສະໜັບສະໜູນທາງດ້ານວິຊາການ ແລະ ງົບປະມານ ຈາກ ແຜນງານກະສິກຳ ສາກົນປະຈຳລາວ ແຫ່ງປະເທດເກົາຫຼີ (KOPIA) ໄດ້ຮ່ວມກັນຈັດຕັ້ງປະຕິບັດ ໂຄງການຄົ້ນຄວ້າແນວພັນເຂົ້າເພື່ອຄໍ້າປະກັນສະບ່ຽງອາຫານ ແລະ ເປັນສິນຄ້າ ຊຶງຜ່ານມາໃນໄລຍະເວລາ 3ປີ ສາມາດປັບປຸງແນວພັນເຂົ້າໃຫມ່ (ຫຼວງນໍ້າທາ 2) ອອກສູ່ສັງຄົມ ຊຶງເປັນແນວພັນທີທີຄຸນລະສະນະສະເພາະ ແລະ ສາມາດປັບຕົວຕໍ່ກັບການປ່ຽນແປງຂອງສະພາບດີນຟ້າອາກາດ. ກອງປະຊຸມດັ່ງກ່າວ ໄດ້ມີການຕິລາຄາຜົນງານ ແລະ ຖອດຖອນບົດຮຽນຂອງການຈັດຕັ້ງປະຕິບັດໂຄງການ ໃນໄລຍະຜ່ານມາ ເພື່ອວາງແຜນໃນການກະກຽມຈັດຕັ້ງປະຕິບັດໂຄງການໃນຕໍ່ໜ້າ ແລະ ໃນໂອກາດນີ້ກໍ່ເປັນການປຶກສາຫາຫລືຕໍ່ກັບບັນດາ ຂະແໜງການທ້ອງຖິ່ນໃນການປັບປຸງວຽກງານຕາງໜາງການຄົ້ນຄວ້າ ລະຫວາງສູນກາງ ແລະ ທ້ອງຖິ່ນໃຫ້ມີປະສິດທີພາບຂື້ນກວ່າເກົ່າ.